ㄨ[قصمــــان اونلــي]ㄨ

يا جماعة الخير انا محاتسيتكم من ارض الحاير .. تحاوط وتجمع حولها اهل سدير واهل شقراء.. ولم يتبقى لدينا من القصمان سوى القليل بسبب الهجوم العنيف من اهل سدير ..

الزبده ابي قصماان.. دورت ودورت من هنا وهنا .. لين ماعطتني زميلتي بالحمله كراعين وقالت دوتس هذا لينك حق سبيس القصمان.. ودخلت وشفتكم يا كثركم ماشاء الله.. وهذا المطلوب ..

وارسلت للاخت شولي راعية السبيس .. وعلمتها بالسالفه وقالت ابد ابشري وباحطه بلوق بالسبيس لانه يخص القصمان..

اللي راح نسويه هو حملة كبيره قصيميه بالمنتدى .. وطبعا حنا بندخلكم غصب بالمنتدى ههههه .. وبنسوي الحمله .. واعضاء المنتدى ماراح يقصرون معكم

المطلوب:

تروحون لمنتدى الحاير هـنـا وتسجلون باليوزر اللي تحبونه.. يعني عادي كأنكم اعضاء جدد بالمنتدى .. وبعد ماتسجلون تعطونا خبر  انكم سجلتوا بالمنتدى على هالايميل:
a_3nbr9@hotmail.com

لا تروحون عنبر الترحيب وتحطون لكم ترحيب عضو جديد! لاننا بنرحب بكم بقووه في الحمله اللي بنسويها..

بعدها حنا بنعطيكم خبر متى تبدي الحمله عشان تبدون هجومكم .. نبي كل شي قصيمي .. نبي ذبات قصيميه..نبي اجواء القصيم .. اذا تعرفون احد قصيمي من معارفكم من اهلكم خلوه يسجل معكم هههههه حتى لو ما كان قصيمي يقول لنا انه معنا بالحمله بس مهوب قصيمي لاننا راح نذكر هالشي!

واللي راح نسويه حنا:

بنرات وشعارات للقصيم وبنوزعها عليكم.. بالاضافه الى اننا بنوزع تكاميل مكتوب عليها القصيم في قلوبنا..

وشرابات العائله وفرا صوف توها جايتنا من الاردن..

نتحرى الاعداد الهائلة من القصمان التي تنكب على المنتدى كأسراب الطيور

نبي دعمكم يا القصمان تكفوون !

وأي استفسار على الايميل هذا الخاص بعنبر تسعه

محدثتيكم :

تراي فيذا & كراعين

 

 

 

 

 

 

 

 

 

سلامووو عليكم

 

 

قالت قصيمي قلت فخر ومعزه**اهل الفخر والعلم والحلم والبأس
قالت قصيمي قصدها بس تهزأ**ماتدري اني بفتخر وارفع الراس
الحمدلله روسنا دوم رزة ** اللي خلقنـا بـس نحنـي لـه الـراس
صافي نسبنا والحسب فية عزة ** أصلٍ أصيل وفصل والعرق دساس
أهل الوفاء والدين صافي منزه ** عن كل ماشاب العقيده مـن أدلاس
حنا العقيلات ننشد رجال غزه ** حنا اهل الدنيا وللدين حراس
حنا سنايد نجد في كل حزه ** لاخانت حلوق الرجاجيل الانفاس
حنا جبال يعجز الريح هزه ** حنا لنجد حزام وعصابة الراس
لاراد حياض المرجلان ونلزه ** مانمشي دروب الرذيله والادناس
من يغلط لسانه علينا نجزه ** واللي يحقر قدر الرجاجيل ينداس
منالعدو تكفيه بالعين خزه ** يقضي عليه الخوف من كل هوجاس
من ذكرنا في قلبه تثور نزه ** من طاري القصمان يبلاه وسواس
نومه كوابس وروعه وفزه ** دقت نواقيس الخطر له والاجراس
منهو لقاله من علينا يوزه ** هون له الصعبات وابليس خناس
مايدري انه للمهالك يدوه ** عجل على مبناه يمحى من الساس

يابنت حنا من نخانا نعزه **قامن بنا الملهوف وتهاب من الناس

مرسولنا للخير دايم نكزه **ولصرخة المحتاج نرخي بالاكياس

تاريخنا مجد لبسناه بزه **نمشي بوسط السوق ماندحم الساس

لتس ماتركنا بكاس الامجاد مزه **واجد عليك ومثلتس حثالة الكاس

وش جاب حر الطير لفريخ وزه** منهو يساوي جوهر الماس بنحاس

لاتحسبين انتس لنا مستفزه **وش ياخذ الباعوض من ريش قرناس

 

 

وسلامتكم

 

وهذا المقطع للتحميل